خطايى ، على اكبر
211
خطاى نامه ( شرح مشاهدات سيد على اكبر خطائى معاصر شاه اسماعيل صفوى در سرزمين چين )
كمسه لر كه تمام روى زمينه حكم ايلمشلر درانى دخى انلردن عدايدرلر زيرا كه اول تجمل كه انده واردر اندن زياده اولمق ميسر دكلدر و خاقان چين و خلقنك اعتقادلرى انك اوزرينه دركه انك ممالكندن غيرى عالمده بر شهر اولميه و ولايت خطاده بو ولايتلرك ادنى بيلمزلز اول جهتدنكه اهل خطايه رسم و عادت دكلدركه كند و مملكتلرندن چيقوب سائر ممالك عالمى كشت ايدوب كورهلر و بيلهلر و اعتقادلرى بونك اوزرينه دركه كندى مملكتلرندن غيرى جملهء عالم صحرا درو خاقانك فرماننده در چون خطايه صلح طريقيله كلان خلقك اكثرى و دشمنى صحراييلردر بوجهتدن جميع ناسى صحرايى بيلورلر و خاقان چين خداپرست و دين شامكونى اوزره اولوب حكيم مذهبدر و بتپرستلك كار جاهلاندر ديو كتابلرنده مذكور در و جميع وزرا و امراسنك دخى اعتقادى بونك اوزرينه در زيرا كه پادشاه انلرك قانوننده جميع علومده اعلم علماء عالم اولمق شرطدر و وزرا و امراسى دخى شرطدر كه عالم اولهلر دينلرنده و علم سياقتده يعنى ضبط امور ملكده حكايه خان خطايه بركون وزراسى جمع اولوب ديديلركه اهل اسلامدن بزم ايله مخلوطدر بغداى ايجنده علف بيكانه كبى بونلرى پاك ايدهلم و بونلر مالدخى و يرمزلر كه بيت الماله نفعلرى اوله مرقومونه خاقان چين اوج وجهله جواب و يردى برى بودر كه بزم اجداد مز بو امرده هيج صرف همت ايتما مشلردر بزنيجه ايدهلم ايكنجى بزم حكممز بونلرك ظاهرنه در حالا بونلردن برمنكر احوال ظاهر دكلدر باطنلرندن نه مصلحتمز واردر اوچينجى نوليدى بزه دخى انلرك دينى نصيب اولوب بزلرده انلركبى مسلمان اوليدق خاقانك بونك كبى بعض احوال و اقوال و حركاتندن فهم اولنور كه حقيقتده مسلمان اولوب زوال مملكتى خوفندن ظاهر ايده ميهرك پنهان طوتر زيرا كه ملك رسوم قانون كافرى ايله مضبوطدر و سنه 850 ده پادشاه اولانك باباسنه پادشاه چين ديرلرايدى بعده اولانه بوزمانه كلنجه طاى خان ديرلر و مزبور پادشاه اهل اسلامه غايت محبت ايدوب سنه 950 تاريخنه كلنجه اسلامدن يدى كمسه صاحب منصب اولمشلردر و كوندن كونه عزت و حرمتلرى زياده اولمقدهدر و ديوانخانهلرده مسلمانلرا مراسى خطا بكلرى اوزرينه اوزرينه تقديم اولنوب خادمان مسلماناندن بر جماعت مأمورلردر كه بش وقت اذان اوقيوب اهل اسلام لباس و عمامه سيله خاقان چين نظرنده بش وقت نمازى ادا ايدرلر و خاقان چين بو وجهله نماز و نيازدن غايتده خوشحال اولمغله دين اسلامه لسان خطاييده دين پاكيزه ديرلر و خطاييلرك بلكه دوكلى كفار مشرقك دين اسلامه ميل كلليلوى